Haqqımızda

UPTODATE IN MEDICINE

BAKIDA TİBBİ KONSALTİNQ XİDMƏTLƏRİ

 

Faydalanacağınız Təcrübə və Mütəxəssis Qrupu

İllərlə zəngin təcrübə və bilik toplamış milli və beynəlxalq mütəxəssislər komandamız Sizə səhiyyə sistemində keyfiyyət və akkreditasiya, strateji planlaşdırma, layihə menecmenti və dizaynı mövzularında dəstək olacak.

Onlar həkim, inzibatçı və tibbdə keyfiyyətə nəzarət mütəxəssisləri olaraq, ölkəmizdə və ölkədən kənarda tibbi konsaltinq sahəsində ən uğurlu nəticələr əldə etməyə müvəffəq olur.

 

Məxsusi Ehtiyaclarınızı Qarşılayan Dəstək

Bütün verdiyimiz tövsiyələr və göstərdiyimiz texniki dəstək hər bir tibb müəssisəsi və ya fərdi praktiki həkimlik fəaliyyəti ilə məşğul olan tibb işçisinin ehtiyaclarını qarşılamaq üçün nəzərdə tutulur. Yanaşmamız həmişə mütəşəkkil və effektivdir. Müştərilərimiz və tərəfdaşlarımızla səmərli iş birliyi qurduğumuz üçün onlara verdiyimiz dəstək elə ilk addımlardan bəlli olur. 

 

Konsaltinq Xidmətləri

Uptodate In Medicine MMC-nin Konsaltinq Xidmətləri, məsləhətçilərimiz səhiyyə təşkilatlarına uğurla inkişaf etməkdə, mövcud və qarşıdakı ehtiyaclara uyğunlaşmağa və problemlərin aradan qaldırılmasında yardım göstərməyə çalışırlar. Biz ictimai səhiyyəyə səmərəli keçid, fərdi tibb anlayışını inkişaf etdirmək, ümumi qayğı xərclərini idarə etmək, biznes strukturlarını rasionallaşdırmaq, düzgün texnologiyaların əhatə edilməsi və proseslərin və xidmətlərin prioritetləşdirilməsi daxil olmaqla, kompleks məqsədlərə nail olmaq üçün düzgün strategiyaları inkişaf etdirmək və tətbiq etməkdə mülkiyyətindən və ölçüsündən asılı olmayaraq, bütün növ səhiyyə müəssisələrinə kömək edirik.

 

Konfrans və Simpoziumlar

Uptodate In Medicine MMC Azərbaycanda tibb  sahəsində müxtəlif konfranslar, simpoziumlar, təlim və seminarlar təşkil edir. Bu tədbirlərin təşkilinin əsas məqsədi tibb işçilərinin davamlı tibbi təhsilinə dəstək olmaq, onların bilik və bacarıqlarını artırmaq, ölkədə və xaricdə olan həmkarları ilə əməkdaşlıq platforması yaratmaqdır.

 

Tibbi Konfransların Təşkil Edilməsi

Uptodate In Medicine MMC Azərbaycanda və Cənubi Qafqazda tibb təşkilatlarının inkişafı, səhiyyənin idarəetməsi, elektron səhiyyə və tibbi xidmətlərin planlaşdırılması və təkmilləşdirilməsi, tibbi təhsil və təlimin müasirləşdirilməsi sahəsində geniş təcrübə və ekspertizasını təklif edir.

 

Təməl Həyata Dəstək Kursu/İlk Yardım - Basic Life Support (BLS).

Bu kurs tibb və qeyri-tibb işçilərinə, sıravi vətəndaşlar üçün nəzərdə tutulub. Kursun məqsədi xəstəxanaya qədər, yəni evdə, küçədə, ictimai yerlərdə, habelə xəstəxanada və ya tibbi müəssisəsində baş verən ürək dayanması, insult və tənəffüs çatışmazlığı hallarında ilk yardımın göstərilməsini, tənəffüs yollarının qorunması və keçiriciliyinin təmin edilməsini öyrətməkdir. Kursda həm böyüklər, həm də uşaq və körpələrdə ilk yardımın əsasları öyrədilir.

Ətraflı məlumat üçün https://ilkyardim.az/ linkinə keçid edə bilərsiniz.

 

Təkmil Həyata Dəstək Kursu - Advanced Cardiovascular Life Support (ACLS).

Amerika Ürək Assosiasiyasının Təkmil Kardiyovaskular Həyat Dəstəyi - ACLS təlimi kursu özündə BLS (Təməl həyata dəstək) bacarıqlarını və eləcədə komanda şəklində aparılan ilkin reanimasiya və intensiv terapiya tədbirlərini ehtiva edir.

Ətraflı məlumat üçün https://ilkyardim.az/ linkinə keçid edə bilərsiniz.

 

Həkim, Orta Tibb Personalı, Tibb Tələbələri və Rezident-Həkimlər üçün:

AHA, ACLS, BLS və PALS kursları fərdi tibb işçilərinin bilik və bacarıqlarının artırılması ilə yanaşı, xəstəxanalarda göstərilən tibbi yardımın keyfiyyəti və klinik nəticələrin yaxşılaşdırılmasına ciddi müsbət təsir göstərir. Bu kurslarda iştirak təcili və təxirəsalınmaz halların idarə olunması və komanda işinə dair bir xəstəxana daxili mədəniyyətin formalaşdırılmasına əhəmiyyətli təsir göstərir.

Ətraflı məlumat üçün https://ilkyardim.az/ linkinə keçid edə bilərsiniz.

 

Pediatrik Qabaqcıl Həyat Dəstəyi (PALS).

Bu kurs həkimlər, tibb bacıları, tibb bacısı praktikantları, həkim köməkçiləri, feldşerlər daxil olmaqla tibb mütəxəssisləri üçün nəzərdə tutulub. Bu kursda tələbələr pediatrik xəstələrin qiymətləndirilməsinə sistemli yanaşmanı, PALS müalicə alqoritmlərini və uşaqlar üçün effektiv ürək və ağciyər reanimasiyası üsullarını, o cümlədən uşaq farmakologiyası, pediatrik EKQ və disritmiyanın idarə edilməsini öyrənirlər.

Ətraflı məlumat üçün https://ilkyardim.az/ linkinə keçid edə bilərsiniz.

 

AHA BLS Instruktor Kursu:

Tibb və qeyri-tibb müəssisələrində digərlərinə təməl həyat dəstəyi üzrə kurs keçmək istəyən şəxslər Təməl Həyat Dəstəyi - AHA BLS İnstruktor Kursunu müvəffəqiyyətlə tamamlamalıdır. BLS İnstruktor Kursunda iştirakçılara kursun keçirilməsi qaydaları, ürək-ağciyər canlandırılması üzrə dərinləşdirilmiş bilik və bacarıqlar öyrədilir, inzibati və təşkilati məsələlər izah edilir, imtahan və qiymətləndirmənin aparılması təcrübəsi aşılanır.

Ətraflı məlumat üçün https://ilkyardim.az/ linkinə keçid edə bilərsiniz.

 

Jurnal Nəşri

Uptodate In Medicine MMC-nin Jurnal Nəşri xidməti tibb elmləri sahəsində elmi, elmi-praktik və ya elmi-kütləvi jurnal nəşr etmək barədə sizə yardımçı olacaqdır.

 

Akkreditasiya üçün Hazırlığın Təmin Edilməsi

• Təkmilləşdirmə və İnkişaf Planının həyata keçirilməsi üçün hər bir kateqoriya üzrə standartların hazırlanması və məsul şəxslərin təyin edilməsi;
• Hər bir kateqoriya üzrə məsul mütəxəssislərə təlimlərin keçirilməsi;
• Müvafiq təkmilləşdirmə işlərinin aparılması, daxili sənədləşmə, prosedurlar və digər fəaliyyətlərin standartlara uyğunlaşdırılması;
• Təkmilləşdirmə və İnkişaf Planının icrasının superviziyası və monitorinqi;
• Sınaq akkreditasiyanın keçirilməsi;
• Real Akkreditasiyanın təşkili.

 

Peşəkar və Keyfiyyətli Tərcümə

5 ildən artıq Azərbaycanın tibbi məsləhət və təlim-tədris sahəsində çalışan Uptodate In Medicine MMC tərəfindən təklif edilən peşəkar tərcümə xidmətləri öz keyfiyyəti ilə seçilir.

Ölkə daxilində, habelə ABŞ, Rusiya Federasiyası, Türkiyə, Almaniya və Böyük Britaniyada çalışan 10-dan çox mütəxəssisimiz tibbi sənədlərin Azərbaycan, İngilis, Rus, Alman və İvrit keyfiyyətli peşəkar tərcüməsini həyata keçirir.

Şirkətimizin daxili keyfiyyətə nəzarət sistemi Sizin sənədlərinizin ən yaxşı səviyyədə və beynəlxalq standartlara, o cümlədən, xarici ölkələrin xəstəxanaları, tibb cəmiyyətlərinin qaydalarına uyğun tərcüməsini təmin etməyə imkan verir.

 

Redaktə Xidməti

Uptodate In Medicine MMC-nin Redaktə Xidməti İngilis, Azərbaycan və Rus dillərində yazılmış materialların peşəkar, keyfiyyətli və sürətli redaktəsini həyata keçirir. Redaktə işləri tibb elmləri sahəsində çalışan dilin daşıyıcıları tərəfindən aparılır.

 

Tibbi Hüquqi Xidmətlər

Peşəkar hüquqşünaslarımız və təcrübəli tibbi mütəxəssislərimiz bütün hüquqi məsələlərin həllində Sizə yardımçı olmağa hazırdır. Qanunvericiliklə müəyyən edilmiş qaydada Azərbaycan Respublikasının müvafiq hakimiyyət orqanlarının, fiziki və hüquqi şəxslərin təsis etdikləri mülkiyyət və təşkilati-hüquqi formasından asılı olmayaraq respublikanın ərazisində fəaliyyət göstərən bütün səhiyyə müəssisə, idarə və təşkilatlarında:

• kargüzarlığın aparılması, kadr işinin təşkili, müqavilələrin hazırlanması;
• müxtəlif sənədlərin hüquqi ekspertizasının həyata keçirilməsi;
• əmək münasibətlərinin yaranması, dəyişdirilməsi, onlara xitam verilməsi və bu münasibətlərin iştirakçılarının hüquqlarının mühafizəsi sahəsində işçilər və işəgötürənlərin hüquq və vəzifələrini tənzimləyən normalarla bağlı suallar üzrə məsləhətlərin verilməsi və s.

 

Keyfiyyət Məqsədimizdir

Müştərilərimiz və tərəfdaşlarımıza ən yaxşı təcrübə göstərməkdə, ən mükəmməl dəstək verməkdə qərarlıyıq. Akkreditasiyanın əldə edilməsi və keyfiyyətli tibbi xidmətlərin göstərilməsini təmin etmək üçün hər bir tibb müəssisəsinin komandası ilə vəhdət təşkil edərək çalışırıq. ABŞ-ın JCI, beynəlxalq İSO və digər akkreditasiya standartlarını qazanmaq üçün bizə etibar edə bilərsiniz.

 

MDTraining mobil əlavəsi

MDTraining mobil əlavəsinin moderator əlavəsinin əsas məqsədi kurs və konfrans təşkilatçılarına iştirakçıların qeydiyyatını aparmaq, qeydiyyatdan keçmiş iştirakçıların qeydiyyatınl yoxlamaq, DTT balı alacaq iştirakçıların iştiraklarının monitorinqini təmin etməkdir.